Nun prazo máximo de 7 días será tramitada.
Nun prazo máximo de 7 días será tramitada.
Bershka nace en 1998 como nova marca do Grupo Inditex
Bershka preséntase como un punto de referencia para a moda dirixida a este público cada vez máis esixente e, en só dous anos, acada os 100 establecementos, consolidando deste xeito a súa imaxe de marca. Na actualidade, tras 18 anos, a cadea conta con máis de 1000 tendas en máis de 70 mercados, con vendas que representan o 9 % do total de ingresos de todo o grupo.
Para traer sempre as últimas tendencias á tenda, Bershka aprovéitase da flexibilidade do seu modelo de negocio para adaptarse aos cambios que poden producirse durante as campañas e, deste xeito, reaccionar a eles con novos produtos nas tendas no período de tempo máis breve posible. Os modelos de cada campaña son desenvolvidos integramente polos seus equipos creativos, que toman como principais fontes de inspiración tanto as tendencias de moda imperantes no mercado como aos propios clientes, a través da información que se recibe das tendas. O equipo de deseñadores de Bershka está formado por máis de 60 profesionais que avalían constantemente as necesidades, os desexos e as demandas dos consumidores, ofrecendo cada ano máis de 4.000 produtos diferentes nas súas tendas.
O público de Bershka caracterízase por seren mozos e mozas atrevidos, coñecedores das últimas tendencias e interesados na música, nas redes sociais e nas novas tecnoloxías.
BSK é a colección máis xuvenil da marca, sempre atenta aos gustos e as necesidades deste público
As tendas posúen espazos diferenciados dedicados ás distintas liñas de produto que ofrece Bershka. En cada sección, Bershka, BSK & Home, o produto está situado acorde co seu estilo, creando un amplo espectro que vai desde a moda informal á deportiva e de pezas de roupa básicas ás de maior tendencia.
A área dedicada á roupa de muller é a máis importante. Esta sección conta con dúas liñas de produto, Bershka e BSK. A primeira céntrase na moda máis actual e inclúe as tendencias máis vangardistas. Posúe unha ampla gama de moda vaqueira, roupa de noite, moda informal e de última tendencia. BSK é a colección máis xuvenil da marca, sempre atenta aos gustos e as necesidades deste público. BSK basea a súa colección nos gustos e intereses deste público, intereses como a música, os ídolos, as estrelas de rock… A sección de home ofrece moito máis que moda vaqueira de tendencia para os máis novos. Esta liña de produto ofrece tamén roupa informal, deportiva e de moda. Por outra banda, á parte da ampla gama de roupa, Bershka ofrece tamén un amplo abano de accesorios e calzado.
Música, pantallas, proxeccións, gráficas actuais, cores...
As tendas de Bershka no mundo caracterízanse pola súa colocación estratéxica e a súa coidada arquitectura. Os establecementos convértense en espazos vangardistas, amplos e cunha coidada imaxe que abrangue desde os seus escaparates, ata a disposición das pezas de roupa no seu interior. Bershka selecciona as mellores zonas comerciais de cada cidade e posiciónase nas áreas máis destacadas dos principais núcleos comerciais. Adóitanse elixir edificios únicos, que o estudio de arquitectura de Bershka renova e adapta á súa imaxe de marca e filosofía.
Música, pantallas, proxeccións, gráficas actuais, cores de moda, deseño de mobiliario contemporáneo, iluminación de última xeración... todas estas características converten a tenda Bershka nunha Shopping experience. O interior das tendas está deseñado para dar a máxima relevancia á exposición da moda. A distribución do espazo, a música, a iluminación, o mobiliario, a gráfica e todos os materiais empregados foron concibidos e elixidos coidadosamente para ofrecerlles a máxima liberdade aos seus clientes mentres descobren as últimas tendencias da moda. Todos os elementos da tenda son deseñados polo equipo de imaxe de Bershka e actualízanse cada campaña. A tenda Bershka está concibida como un espazo para que os mozos e as mozas se sintan atraídos e cómodos, converténdose esta nun entretemento. Mentres miran, seleccionan e proban as pezas de roupa, poden escoitar o último en música e seguir as tendencias de arte urbano que representan as gráficas e as sesións fotográficas plasmadas na decoración dos establecementos. Bershka dálle moita importancia aos seus escaparates. Bershka preséntalle ao seu público as pezas de roupa máis importantes da colección e a temática predominante. Os escaparates renóvanse constantemente cada campaña e o produto adáptase á moda do interior das tendas, reflectindo as tendencias de toda a tempada. No novo concepto de tenda, Bershka transformou todo o espazo comercial en escaparate, deixando unha ampla fachada de cristal que deixa ver a tenda e a colección ao completo.
A sección de home ofrece moito máis que moda vaqueira de tendencia para os máis novos.
O público de Bershka caracterízase por seren mozos e mozas atrevidos, coñecedores das últimas tendencias e interesados na música, nas redes sociais e nas novas tecnoloxías.
Utiliza o buscador de ofertas de traballo de Inditex e descobre todas as ofertas de traballo en Bershka.
A través do seu modelo de negocio, Bershka quere axudar ao desenvolvemento sostible da sociedade e o medio co que interactúa. O compromiso co Medio natural inclúese dentro da política de Responsabilidade Corporativa do grupo Inditex, publicada na páxina web: www.inditex.com.
Estes son algúns dos obxectivos e accións desenvolvidos no marco do compromiso ambiental, directamente asociados ás tendas e ao cliente:
Estamos a desenvolver un modelo de xestión ‘ecoeficiente’ das tendas que permitirá reducir o consumo enerxético nun 20%, integrando criterios de sostemento e de eficiencia. Este modelo de xestión propón medidas en todos os procesos, desde o deseño da propia tenda, as instalacións de sistemas de iluminación, de calefacción ou de refrixeración, ao posible reciclaxe do mobiliario e a decoración.
Reducimos a produción de residuos e reciclamos. A reciclaxe das perchas ou das alarmas, que son recollidas nas tendas e procesadas para se converter noutros elementos plásticos, son un exemplo da xestión de residuos. Millóns de perchas e alarmas son procesadas cada ano. Ademais, tanto o cartón como o plástico empregados nos embalaxes son reciclados.
Campañas de comunicación interna e plans específicos de formación multimedia para sensibilizar aos empregados nas prácticas sostibles como racionalizar o consumo de enerxía, practicar o transporte sostible ou modificar hábitos de conduta.
Incorporamos tecidos ecolóxicos. O algodón orgánico.
Bershka apoia a agricultura ecolóxica e utiliza na confección de pezas de roupa seleccionadas algodón orgánico (algodón 100%, totalmente libres de praguicidas, axentes químicos e branqueadores). Atopalas na tenda será doado, xa que levan unha etiqueta distintiva.
Introducimos combustible biodiésel.
A frota de camións de Bershka, que transporta cada ano máis de 200 millóns de pezas de roupa, emprega o 5% de combustible biodiésel. Esta medida permite reducir as emisións de máis de 500 toneladas de CO2 na atmosfera.
Todos os produtos de orixe animal, incluídas peles e coiros, comercializados nas nosas tendas proceden exclusivamente de animais criados en granxas para a alimentación e en ningún caso de animais sacrificados exclusivamente para a venda das súas peles.